TAHZAI KA REL LEH THIN
(Bawihte-a ngaih hla)

Doh is E.
Kan nghahlai Mamtea a lo piang ve ta e, 
Mahse cho loh lunglian kan do zo lo a ni,
A pawi em mai Mamte! A pawi em mai! A pawi em mai!
Damna run pawh kan tan chuan maw
Hrilhhai runriang an lo chang zo ta e.

Lengzawngte u min sel lo u, min sel lo u,
Tuaiduh lawmlai ngaih chuan chin lem a nei si lo,
Lokir leh rawh ka hrai riang te, lokir leh rawh.

Mi lawmlai par te chuan hlimten chun tang an bel,
Kan duatlai ve zawng e a kal hma em a ni.
Hrilh kan hai ngei ar-ang vaih nan khua reng a sei lua e.
Rualduhte hlim leh lawmna chu 
Kan tan tahna thlentu an chang zo ta.

Bawihte tap ruai ruai in kan rawn au zel dawn che,
I chun leh zua hian e kan ngai em che a sin,
I tello chuan in maw kan tlei zo lo, kan tlei zo lo,
I silh thlehnem kan chul ning lo,
Luaithli kan nul, tahzai kan rel leh thin.

(NB : He hla hi ka fapa neih chhun Joseph Lalsangliana, July ni 7, 2010 zan dar 12:25am a piang, ni 8 July, 2010 dar 11:00 am a chatuan ram min pansan ta puala ni July 9, 2010 ka siam a ni.)